fös 22. október 2021 20:23
Guðmundur Aðalsteinn Ásgeirsson
„Þú hefur 24 tíma til að segja af þér"
Claude Puel.
Claude Puel.
Mynd: EPA
Stuðningsmenn franska úrvalsdeildarfélagsins Saint-Etienne eru allt annað en sáttir með stöðu mála hjá félaginu.

Saint-Etienne er á botni deildarinnar með aðeins fjögur stig eftir tíu leiki. Liðið hefur ekki enn unnið deildarleik á tímabilinu.

Liðið er þessa stundina að spila við Angers í deildinni. Leikurinn hófst ekki á réttum tíma því stuðningsmenn Saint-Etienne ákváðu að henda blysum inn á völlinn fyrir upphafsflautið. Leikmenn þurftu að fara af vellinum um nokkra stund.

Stuðningsmenn Saint-Etienne vilja losna við þjálfarann Claude Puel. Fyrir leik var skilinn eftir borði á æfingasvæði félagsins. Á honum stóð: „Við gefum þér 24 klukkustundir til að segja af þér..."

Puel er ekki enn búinn að segja af sér og það pirrar stuðningsmennina. Þeir eru að þrýsta á hann að segja starfi sínu lausu.

Staðan í leiknum akkúrat núna er markalaus. Fyrri hálfleikurinn er hálfnaður.



Athugasemdir
banner
banner
banner