þri 23. nóvember 2021 11:36
Elvar Geir Magnússon
Dembele leikfær fyrir kvöldið
Mynd: EPA
Vængmaðurinn Ousmane Dembele er leikfær og getur því spilað Meistaradeildarleik Barcelona gegn Benfica í kvöld. Það sama á við um varnarmanninn Sergino Dest sem misst hefur af síðustu tveimur leikjum vegna meiðsla.

Dembele er vanur því að vera á meiðslalistanum en hann varð fyrir bakslagi í endurkomu sinni fyrir þremur vikum.

Það er jákvætt fyrir Xavi að Dembele sé mættur aftur en leikurinn í kvöld er virkilega mikilvægur. Barca er sem stendur í öðru sæti riðilsins, tveimur stigum á undan Benfica.

Barcelona leikur gegn Bayern München í lokaumferðinni en sigur í kvöld tryggir katalónska liðinu sæti í útsláttarkeppninni.


Athugasemdir
banner
banner
banner