Slot beðinn um eitt orð til að lýsa tímabilinu: Meiðsli

Mohamed Salah lék sinn lokaleik fyrir stórveldið eftir mögnuð níu ár í Liverpool. Hann lagði upp eina mark Liverpool í leiknum til að bæta stoðsendingamet Steven Gerrard.

TENGT EFNI23.05.26 - 19:15

Slot: Mo var ánægður að spila minn leikstíl í fyrra

Þetta var síðasti leikurinn á miklu vonbrigðatímabili fyrir Englandsmeistara síðustu leiktíðar og er gífurleg vinna framundan fyrir næsta tímabil sem lofar mikilli spennu.

Slot var spurður eftir leikinn hvort það væri eitthvað sem hann myndi gera öðruvísi ef hann fengi að byrja tímabilið upp á nýtt.

„Það er margt sem ég myndi gera öðruvísi. Ég hef ekki verið fullkominn en ég hefði svarað þessari spurningu með nákvæmlega sama hætti ef þú hefðir spurt mig þegar við unnum deildina á sama tíma í fyrra. Ekki allar ákvarðanir geta verið réttar þó manni líði eins og þær séu réttar þegar maður er að taka þær," sagði Slot sem var svo beðinn um eitt orð til að lýsa tímabilinu.

„Ég myndi segja meiðsli."

Salah var ekki sá eini sem lék kveðjuleik fyrir Liverpool því Andy Robertson er að yfirgefa félagið á frjálsri sölu. Curtis Jones kvaddi ekki en hann er sterklega orðaður við félagaskipti til Inter í sumar.

„Við kveðjum tvær goðsagnir sem hafa unnið níu titla á níu árum hjá þessu félagi. Ég hef oft sagt að Liverpool er félag sem kann að fagna deildarmeistaratitlum, takast á við mótlæti og halda upp á goðsagnir."

TENGT EFNI24.05.26 - 16:42

Bætti stoðsendingamet Gerrard og fékk heiðursskiptingu