Trent Alexander-Arnold.
Englendingar hafa byrjað með sama lið í fyrstu tveimur leikjum sínum á EM en það verður breyting á fyrir leikinn gegn Slóveníu á morgun.
The Athletic segir frá því að Trent Alexander-Arnold, leikmaður Liverpool, muni missa sætið sitt en hann hefur byrjað inn á miðjunni hjá Englandi í fyrstu tveimur leikjum mótsins.
Alexander-Arnold hefur fengið gagnrýni fyrir frammistöðu sína, rétt eins og allt enska liðið.
Conor Gallagher, miðjumaður Chelsea, kemur til með að taka stöðu Alexander-Arnold á miðsvæðinu.
England er með fjögur stig eftir fyrstu tvo leikina á EM.
Athugasemdir
