Owen spáir því að Man Utd vinni Leicester og Watford falli

Lokaumferð ensku úrvalsdeildarinnar verður á sunnudaginn. Michael Owen spáir því að hans fyrrum félagar í Manchester United muni tryggja sér Meistaradeildarsæti með því að vinna Leicester í lokaumferðinni.

Allra augu munu beinast að King Power leikvangnum á sunnudag en bæði lið vita að með sigri þá er sæti í topp fjórum tryggt.

Leicester er á eftir United og Chelsea, situr í fimmta sæti, en mun ná Meistararadeildarsæti með sigri.

„Þrátt fyrir að United hefur verið að hiksta að undanförnu held ég að liðið sé með of mikil gæði fyrir Leicester. Sjálfstraustið hjá Leicester eftir endurkomu enska boltans hefur ekki verið nægilega mikið," segir Owen sem spáir 3-1 sigri United.

Hann spáir því að Chelsea vinni Wolves og komist einnig í Meistaradeildina.