Thiago meiddist í 3-0 sigri liðsins á Crystal Palace í síðustu umferð ensku úrvalsdeildarinnar og var ekki í hópnum gegn Norwich í deildabikarnum.

Hann missir af næstu þremur leikjum Liverpool vegna meiðsla í kálfa en Liverpool mætir Brentford um helgina, Porto í Meistaradeildinni í næstu viku og svo er stórslagur gegn Manchester City áður en landsleikjatörnin fer af stað.

Klopp segir að Spánverjinn verði klár eftir törnina.

Thiago kom til Liverpool frá Bayern München fyrir síðustu leiktíð en meiddist gegn Everton snemma á tímabilinu og missti því af hluta þess. Hann lék samtals 24 deildarleiki og gerði eitt mark.