Luka Jovic, sóknarmaður Serbíu og Real Madrid, á yfir höfði sér refsingu fyrir að svindla á sóttkví til að fagna afmæli kærustu sinnar.
Real Madrid var í sóttkví en Jovic fékk leyfi til að fljúga heim til Belgrad þar sem hann fékk neikvæða niðurstöðu úr COVID-19 prófi.
Jovic lenti í Serbíu þar sem hann átti að fara í tveggja vikna sjálfseinangrun en nokkrum dögum síðar sást til hans úti á lífinu að fagna afmæli kærustu sinnar.
Forseti Serbíu og forsætisráðherra hafa báðir gagnrýnt hegðun Jovic og nú hefur faðir hans, Milan Jovic, bæst í hópinn.
„Ég er algjörlega sammála forsetanum og forsætisráðherranum. Ef Luka er sekur og verður dæmdur til fangelsisvistar þá þarf hann bara að sætta sig við það," sagði Milan Jovic.
Athugasemdir