Ísak Bergmann Jóhannesson lék risastórt hlutverk þegar Norrköping vann 2-1 heimasigur á Halmstad í dag.

Halmstad komst yfir snemma leiks og var staðan 0-1 í hálfleik.

Norrköping jafnaði leikinn á 64. mínútu þegar Samuel Adegbenno skoraði eftir undirbúning frá Ísaki.

Ísak skoraði svo sjálfur á 79. mínútu það sem reyndist sigurmark leiskins.

Ísak lék allan leikinn í dag og Ari Freyr Skúlason, sem einnig var í byrjunarliði Norrköping, spilaði fyrstu 57 mínúturnar.

Norrköping er með fjögur stig eftir þrjá leiki í Allsvenskan.