Sky greinir frá því að Fiorentina er búið að leggja fram tilboð í Bobby Duncan, 18 ára framherja Liverpool.
Duncan er frændi Steven Gerrard og gekk í raðir Liverpool í fyrra eftir að hafa verið hjá Manchester City.
Hann skoraði 25 mörk með U18 liðinu á síðustu leiktíð og er Jurgen Klopp talinn hafa miklar mætur á honum.
Fiorentina er bjóða lánssamning með kaupmöguleika en Duncan er mikill stuðningsmaður Liverpool og vill líklega vera áfram þar.
Árið 2016 varð Duncan fyrsti Englendingurinn til að skora þrennu í keppnisleik gegn Brasilíu. Hann skoraði þrennu í 4-3 sigri með U16 landsliði Englands í Rio de Janeiro.
Athugasemdir
