Í kvöld eigast við Fylkir og Fjölnir þegar flautað verður til leiks 12. umferð Pepsi Max deildar karla á Wurth vellinum.

Það má búast við hörkuleik en heimamenn í Fylki gera sér vonir um að gera sig gildandi í Evrópubaráttu á meðan gestirnir í Fjölni eru enn í leit af sínum fyrsta sigri á Íslandsmótinu í sumar.

Byrjunarliðin eru klár en þau má sjá hér fyrir neðan.
Fylkismenn gera eina breytingu á sínu liði en Orri Sveinn Stefánsson kemur inn fyrir Michael Kedman. Fjölnismenn gera þrjár breytingar á sínu liði en út fara Sigurpáll Melberg Pálsson, Grétar Snær Gunnarsson og Ingibergur Kort Sigurðsson fyrir Orra Þórhallsson, Örvar Eggertsson og VIlhjálm Yngva Hjálmarsson.