Grindavík fær bandarískan miðjumann (Staðfest)
Mynd: UMFG
Mynd: UMFG
Knattspyrnudeild Grindavíkur tilkynnti nýjan leikmann á samfélagsmiðlum í gær en bandaríska fótboltakonan Arianna Veland er komin til félagsins og mun spila með liðinu á komandi tímabili.
Veland er 24 ára gömul og spilar stöðu miðjumanns. Hún skoraði 9 mörk í 25 leikjum með sænska B-deildarliðin Möron BK árið 2021 en hún hefur einnig spilað fyrir Wurzburger Kickers í Þýskalandi.
Bandaríska fótboltakonan hefur gert samning við Grindavík um að spila með liðinu í sumar en þetta er góð viðbót við hópinn.
„Ég er mjög spennt fyrir því að ganga til liðs við Grindavík. Ég bind vonir við að vera mikilvægur leikmaður hjá Grindavík á komandi tímabili og hjálpa liðinu á ná markmiðum sínum. Ég er jafnframt mjög spennt að kynnast Íslendingum og íslenskri menningu,“ sagði Veland við undirskrift.
Veland mun koma til Íslands í febrúar og verður því komin með leikheimild fyrir fyrsta leik liðsins í Lengjubikarnum.
„Ég er afar glaður að Arianna hafi ákveðið að ganga til liðs við okkur. Þarna er á ferðinni leikmaður sem á að styrkja okkar unga en efnilega lið mikið. Arianna er kraftmikill miðjumaður og öflugur skotmaður,“ sagði Anton Ingi Rúnarsson, þjálfari Grindavíkur um Veland.
Bandaríska fótboltakonan hefur gert samning við Grindavík um að spila með liðinu í sumar en þetta er góð viðbót við hópinn.
„Ég er mjög spennt fyrir því að ganga til liðs við Grindavík. Ég bind vonir við að vera mikilvægur leikmaður hjá Grindavík á komandi tímabili og hjálpa liðinu á ná markmiðum sínum. Ég er jafnframt mjög spennt að kynnast Íslendingum og íslenskri menningu,“ sagði Veland við undirskrift.
Veland mun koma til Íslands í febrúar og verður því komin með leikheimild fyrir fyrsta leik liðsins í Lengjubikarnum.
„Ég er afar glaður að Arianna hafi ákveðið að ganga til liðs við okkur. Þarna er á ferðinni leikmaður sem á að styrkja okkar unga en efnilega lið mikið. Arianna er kraftmikill miðjumaður og öflugur skotmaður,“ sagði Anton Ingi Rúnarsson, þjálfari Grindavíkur um Veland.
