Mjólkurbikarinn: Afturelding áfram eftir sigur á Reyni H.

Afturelding er komið áfram í 2. umferð Mjólkurbikarsins eftir 2-0 sigur á Reyni Hellissandi í kvöld en leikurinn fór fram á Hellissandsvellinum.

Valgeir Árni Svansson gerði bæði mörk Aftureldingar. Fyrra markið kom úr vítaspyrnu á 58. mínútu og bætti hann svo við öðru fimm mínútum fyrir leikslok.

Þetta var lokaleikurinn í 1. umferð Mjólkurbikarsins en Afturelding mætir SR í 2. umferð á föstudag.