Man City leiðir kapphlaupið um Musiala - Man Utd hefur áhuga á Toney - Arsenal endurskoðar áætlanir
   þri 27. febrúar 2024 23:39
Brynjar Ingi Erluson
Spænski konungsbikarinn: Mallorca í úrslit í fyrsta sinn í 21 ár
Mynd: EPA
Real Sociedad 1 - 1 Mallorca (4-5 eftir vítakeppni)
0-0 Brais Mendez ('45 , Misnotað víti)
0-1 Giovanni Alessandro Apud Gonzalez ('50 )
1-1 Mikel Oyarzabal ('71 )

Real Mallorca mun spila til úrslita í spænska konungsbikarnum en það varð ljóst eftir að liðið vann Real Sociead eftir vítakeppni í San Sebastian í kvöld.

Fyrri leiknum lauk með markalausu jafntefli á Mallorca og var því von á öðrum jöfnum leik í kvöld.

Heimamenn fengu tækifæri til að komast yfir undir lok fyrri hálfleiks en Brais Menedez fór illa að ráði sínum á vítapunktinum og setti boltann beint á markið. Auðveldur bolti fyrir Dominik Greif í markinu.

Mallorca nýtti sér þetta augnablik með því að komast yfir snemma í þeim síðari. Giovanni Gonzalez skoraði markið, en tuttugu mínútum síðar jafnaði heimamaðurinn Mikel Oyarzabal.

Fleiri urðu mörkin ekki í venjulegum leiktíma og því þurfti að framlengja. Sociedad fékk tækifæri til að komast yfir þar gestirnir björguðu tvisvar á línu. Stálheppnir Mallorca-menn. Þeir náðu að halda út fram að vítakeppni þar sem liðið vann 5-4 sigur. Mikel Oyarzabal klúðraði einu spyrnu Sociedad.

Þetta verður því fyrsti bikarúrslitaleikur Mallorca í 21 ár en það var árið 2003 þar sem félagið vann bikarkeppnina í fyrsta og eina skiptið í sögu þess.
Athugasemdir
banner
banner
banner
banner
banner