„Við erum í þessu til að spila stórleiki. Það verður hörkuleikur á móti Víkingi, gott að spila á gervigrasi miðað við hvernig við erum að spila. Við erum að spila hápressuleik og sóknarleik í báðar áttar - eins og Víkingarnir. Þetta verður fjörugur leikur og mikið tempó," sagði Ágúst Gylfason, þjálfari Stjörnunnar, við Fótbolta.net í dag.
Verður þetta allt öðruvísi leikur en leikurinn gegn Leikni í síðustu umferð?
„Já, ég reikna með því. Ég á von á fjörugum leik þar sem sótt verður á báða bóga. Ég held að þessi leikur verði Bestu deildinni til sóma og verði mjög líklega einn af bestu leikjum deildarinnar," sagði Gústi.
Hann ræddi einnig um bikardráttinn en Stjarnan mætir KR í 32-liða úrslitunum. Þá var hann spurður út í innkomu Daníels Laxdals inn í lið Stjörnunnar í síðasta leik.
Athugasemdir
