Þýski varnarmaðurinn Antonio Rüdiger verður áfram í herbúðum Real Madrid en hann mun á næstu dögum skrifa undir nýjan eins árs samning við félagið.
Rüdiger hefur verið akkerið í vörn Madrídinga síðustu ár, eða frá því hann kom frá Chelsea árið 2022.
Á þessum fjórum árum hefur hann spilað 182 leiki og skorað átta mörk.
Hann var magnaður tímabilið 2023–2024 þegar Real Madrid varð Evrópumeistari. Hann var bæði valinn í lið ársins í Meistaradeildinni og í lið ársins í La Liga.
Samningur Rüdiger rennur út í næsta mánuði en Fabrizio Romano segir að Madrídingar hafi náð munnlegu samkomulagi við varnarmanninn um að framlengja hann um eitt ár.
Real Madrid mun tilkynna nýja samninginn á næstu dögum.
