Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   þri 28. júní 2022 10:30
Elvar Geir Magnússon
405 milljóna króna verðmætum stolið frá Verratti
Mynd: EPA
Lögreglan leitar innbrotsþjófa sem stálu öllu steini léttara frá sumarhúsi Marco Verratti, miðjumanns Paris Saint-Germain, á Ibiza.

Verðmæti ránsfengsins er í heildina talinn nema 2,5 milljónum punda eða um 405 milljónum íslenskra króna.

Verratti leigir sjálft húsið af brasilísku ofurstjörnunni Ronaldo en brotist var inn í það snemma sunnudags, þegar Verratti og fjölskylda voru ekki heima.

Verratti hefur verið að njóta sumarfrísins á Ibiza ásamt eiginkonu sinni, fyrirsætunni frönsku Jessica Aidi.

Hann hefur ekkert tjáð sig um innbrotið og lögreglan vill ekki gefa upp neinar upplýsingar.


Athugasemdir
banner
banner
banner