Staðan er 1-0 fyrir Manchester United en það var Íslandsvinurinn Mason Greenwood sem skoraði markið.
Greenwood kláraði afskaplega vel eftir sendingu frá Paul Pogba. Hans fyrsta mark í Meistaradeildinni en þessi 19 ára gamli leikmaður er næst yngsti leikmaður í sögu Man Utd til að skora í Meistaradeildinni. Aðeins Wayne Rooney var yngri.
Það var gríðarlega tæpt hvort Greenwood hefði verið rangstæður í markinu.
Guðmundur Benediktsson, sem lýsir leiknum á Stöð 2 Sport, var sannfærður um að markið yrði dæmt af. VAR hefur dæmt mörg mörk af í ensku úrvalsdeildinni vegna tæprar rangstöðu.
Markið fékk hins vegar að standa. „Það er eins og þeir meti það þannig að höndin eða öxlin á Upamecano geri hann réttstæðan. Ég veit það ekki... og ég er ekki viss um að þeir viti það," sagði Gummi Ben í útsendingunni frá leiknum.
Hér að neðan má sjá mynd.
Should VAR have ruled out this Mason Greenwood goal? 🤔 #MUNRBL pic.twitter.com/ApVcDVryiz
— talkSPORT (@talkSPORT) October 28, 2020
Athugasemdir