Rússneska knattspyrnusambandið er að skoða að færa sig úr evrópska knattspyrnusambandinu, UEFA, og yfir í asíska knattspyrnusambandið, AFC.
Alexander Dyukov, forseti knattspyrnusambandsins, segist vera að skoða þennan möguleika alvarlega.
Rússnesk félagslið mega ekki taka þátt í keppnum á vegum UEFA og þá mega rússnesk landslið ekki keppa í mótum á vegum FIFA vegna innrásarinnar í Úkraínu.
Asíska knattspyrnusambandið er þekkt fyrir að horfa framhjá alskyns brotum þjóðarleiðtoga og gætu Rússar því notið sín þar.
Breytingin hefði vissulega neikvæð áhrif á vilja leikmanna til að ganga til liðs við rússnesk félagslið þar sem þau gætu ekki lengur tekið þátt í Meistaradeildinni eða Evrópudeildinni.
Athugasemdir
