Jorginho, Graham Potter, Zinedine Zidane, Xabi Alonso, Ramsdale og fleiri koma við sögu
banner
   þri 28. nóvember 2023 14:30
Guðmundur Aðalsteinn Ásgeirsson
Var lengi fyrirliði og gæti núna tekið við sænska landsliðinu
Olof Mellberg var lengi fyrirliði sænska landsliðsins.
Olof Mellberg var lengi fyrirliði sænska landsliðsins.
Mynd: Getty Images
Olof Mellberg, fyrrum fyrirliði Svíþjóðar, er á lista knattspyrnusambandsins yfir þá þjálfara sem gætu tekið við sænska landsliðinu.

Þetta kemur fram hjá Aftonbladet.

Mellberg er í dag þjálfari Brommapojkarna sem hélt sér uppi með naumindum í sænsku úrvalsdeildinni á liðnu tímabili.

Hann stýrði fyrst Brommapojkarna frá 2015 til 2017 og þjálfaði eftir það Fremad Amager í Danmörku og Helsingborg í Svíþjóð. Hann tók svo aftur við Brommapojkarna fyrr á þessu ári og náði að bjarga liðinu frá falli.

Mellberg átti flottan leikmannaferil og er goðsögn í sænskum fótbolta. Hann gæti núna tekið við landsliðinu en hann hefur lítið viljað tjá sig um starfið þegar hann hefur verið spurður út í það.

Graham Potter, fyrrum stjóri Brighton og Chelsea, hafnaði starfinu á dögunum.
Athugasemdir
banner
banner