Viðar Örn: 10 leikir og 0 mörk lúkkar ekki vel
Viðar fagnar markinu í kvöld.
Mynd: Fótbolti.net - Hafliði Breiðfjörð
Viðar fagnar markinu í kvöld.
Mynd: Fótbolti.net - Hafliði Breiðfjörð
"Mér líður svolítið eins og við höfum tapað leiknum. Þeir voru fínir í fyrri hálfleik en þetta var leikur tveggja hálfleikja og mér fannst yfirburðirnir það miklir í seinni svo þetta er svolítið súr tilfinning", segir Viðar Örn Kjartansson, leikmaður KA, eftir 2-2 jafntefli gegn KR í kvöld.
Viðar skoraði sitt fyrsta mark í sumar þegar hann kom KA í 2-1 í leiknum. "Það var frábært að skora. Það var bara tímaspursmál. Ég hef verið óheppinn að ná ekki að skora en mér finnst ég hafa spilað mjög vel."
"Þegar maður er að koma inn á og nær ekki að skora er það vont fyrir tölfræðina. 10 leikir og núll mörk lúkkar ekki vel. Auðvitað hefur þetta áhrif á mann og maður er þá ekki jafn öruggur í færunum en ég vissi alltaf að þetta myndi koma."
Fyrir tímabilið talaði Viðar um að hann ætlaði að reyna að koma sér aftur erlendis í sumarglugganum
"Ég verð áfram hjá KA út tímabilið 100%. Ég ætlaði að vera kominn fyrr í gang en ég var meiddur og spilaði ekki í nokkra mánuði. Ég er líka bara kominn á þann aldur að það tekur lengri tíma að koma sér í gang aftur. Auðvitað vonaðist maður til að skora nokkur mörk og þá kæmu einhverjir möguleikar en ég er mjög sáttur á Akureyri."
Allt viðtalið við Viðar má sjá í spilaranum hér að ofan.
