Aubameyang næstur eftir Roque á lista Barcelona

Roque er 18 ára gamall og hefur verið lykilmaður í U20 landsliði Brasilíu að undanförnu með 8 mörk í 11 leikjum. Hann var verðlaunaður fyrir góða frammistöðu með tækifæri í sínum fyrsta leik fyrir A-landsliðið á dögunum.

Roque hefur áhuga á að ganga í raðir Barca, en gæti þó valið annað félag í ljósi fjárhagsvandræða innan spænska stórveldisins. Chelsea og Arsenal eru meðal áhugasamra félaga.

Takist Börsungum ekki að krækja í Roque þykir afar líklegt að þeir muni reyna við Pierre-Emerick Aubameyang, sem verður 34 ára í sumar og á eitt eftir af samningi sínum við Chelsea.