Van Dijk: Erfitt að lýsa því hvernig mér líður

Miðvarðarpar Liverool, Virgil van Dijk og Joe Gomez sneru til baka í lið Liverpool eftir langvarandi meiðsli. Þeir komu inn á sem varamenn í seinni hálfleik í æfingaleik Liverpool og Herthu Berlin í gærkvöldi.

<i>„Fyrir 285 dögum hófst endurkoman. Það er erfitt að lýsa því hvernig mér líður en mér finnst nauðsynlegt að þakka fyrir þann stuðning sem ég hef fengið frá svo mörgum,"</I> skrifaði Virgil van Dijk á Twitter í gær.

Hann hafði verið frá vegna hnémeiðsla síðan hann meiddist gegn Everton í leik á síðasta tímabili. Hann þakkar skurðlækninum, sjúkraþjálfurunum, þjálfurunum og öðru starfsfólki fyrir. Hann þakkar einnig liðsfélögunum og fjölskyldu fyrir.

<i>„Vinnan hættir ekki núna. Þetta er bara að byrja,"</I> bætti Van Dijk við.