Stefan Bajcetic, miðjumaður Liverpool, er genginn til liðs við spænska liðið Las Palmas á láni út tímabilið.
Þessi tvítugi miðjumaður var á láni hjá RB Salzburg fyrri hluta tímabilsins þar sem hann lék undir stjórn Pep Lijnders, fyrrum aðstoðarþjálfara Jurgen Klopp hjá Liverpool, áður en hann var rekinn í desember.
Bajcetic lék 19 leiki fyrir Salzburg í öllum keppnum, þar af sex í Meistaradeildinni.
Bajcetic er uppalinn hjá Celta Vigo en hann gekk til liðs við Liverpool árið 2020. Hann lék sinn fyrsta leik fyrir aðallið enska félagsins árið 2022. Hann hefur spilað 22 leiki fyrir félagið og skorað eitt mark.
Las Palmas er í 16. sæti spænsku deildarinnar með 23 stig eftir 21 umferð.
Athugasemdir
