Íslandsmeistarar Breiðablik hafa selt Vigdísi Lilju Kristjánsdóttur til belgísku meistaranna í Anderlecht.
Hún er komin með félagaskipti til Belgíu og skrifar undir samning sem gildir fram á sumarið 2027.
Vigdís, sem er uppalin í Kópavogi, er fædd árið 2005 og hefur spilað með meistaraflokki Breiðabliks frá árinu 2020. Vigdís á að baki fjölda leikja með U-16, U-17, U-19 og U-23 ára landsliðum Íslands.
Framherjinn skoraði ellefu mörk í 23 leikjum í Bestu deildinni í fyrra þegar Breiðablik varð Íslandsmeistari.
Hún varð einnig Íslandsmeistari 2020 og bikarmeistari 2021.
Hún er komin með félagaskipti til Belgíu og skrifar undir samning sem gildir fram á sumarið 2027.
Vigdís, sem er uppalin í Kópavogi, er fædd árið 2005 og hefur spilað með meistaraflokki Breiðabliks frá árinu 2020. Vigdís á að baki fjölda leikja með U-16, U-17, U-19 og U-23 ára landsliðum Íslands.
Framherjinn skoraði ellefu mörk í 23 leikjum í Bestu deildinni í fyrra þegar Breiðablik varð Íslandsmeistari.
Hún varð einnig Íslandsmeistari 2020 og bikarmeistari 2021.
„Um leið og við þökkum Vigdís fyrir frábæran tíma, þá óskum við henni góðs gengis í Belgíu," segir í tilkynningu Breiðabliks.
Anderlecht er sem stendur í öðru sæti í belgísku deildinni eftir fjórtán leiki, stigi á eftir Diljá Ýr Zomers og stöllum hennar í Leuven. Anderlecht hefur orðið meistari síðustu sjö tímabil.
„Koma Vigdísar passar fullkomlega við hugmyndafræði okkar Vigdís er leikmaður sem getur strax haft áhrif á liðið en hún er enn ung og hefur nóg pláss til að bæta sig. Við viljum halda áfram að þróa hana hjá RSCA og undirbúa hana fyrir næsta skref á ferlinum," segir Dave Mattheus sem er yfirmaður hjá kvennaliði Anderlecht.
Númer 9.
Athugasemdir
