Leikmenn sem yfirgáfu sín félög í titlaleit
Football365 setti saman topp tíu lista yfir leikmenn sem yfirgáfu liðin sem þeir héldu með í æsku. Það útilokar því Michael Owen, Steve McManaman og Robbie Fowler sem allir héldu með Everton þegar þeir voru yngri.
Þá þurfa leikmennirnir á listanum ekkert endilega að hafa unnið titla þó tilgangur félagaskiptana hafi verið að gera það.
10) Gary Lineker (Leicester til Everton) - Varð markakóngur Leicester fjögur tímabil í röð áður en hann yfirgaf félagið 1985.
Mynd: Getty Images
9) Frank Lampard (West Ham til Chelsea) - Varð gríðarlega óvinsæll meðal stuðningsmanna West Ham þegar hann færði sig um set.
Mynd: Getty Images
8) Teddy Sheringham (Tottenham til Manchester United) - Yfirgaf Tottenham tvívegis og það er auðvelt að sýna honum skilning.
Mynd: Getty Images
7) Andy Carroll (Newcastle til Liverpool) - Meiðslahrjáður ferill Carroll hefur ekki náð þeim hæðum sem vonast var eftir.
Mynd: Getty Images
6) Alan Smith (Leeds til Manchester United) - Svikari í augum margra stuðningsmanna Leeds eftir að hann fór til félags sem hann sagðist aldrei ætla að spila fyrir.
Mynd: Getty Images
5) Sol Campbell (Tottenham til Arsenal) - Það olli fjaðrafoki þegar Campbell færði sig um set í London en ákvörðun hans skilaði svo sannarlega titlum.
Mynd: Getty Images
4) Glenn Hoddle (Tottenham til Mónakó) - Þegar hann var 29 ára hélt hann yfir Ermarsundið en Mónakó bauð honum möguleika á Evrópukeppni.
Mynd: Getty Images
3) Rio Ferdinand (West Ham til Leeds) - Hann átti eftir að njóta mikillar velgengni hjá United en það var Leeds, sem virtist eiga gríðarlega bjarta framtíð, sem lokkaði hann frá West Ham.
Mynd: Getty Images
2) Ashley Cole (Arsenal til Chelsea) - Sagðist ekki ætla að spila fyrir annað enskt félag en Arsenal. Jose Mourinho fékk hann þó til að skipta um skoðun.
Mynd: Getty Images
1) Wayne Rooney (Everton til Manchester United) - Varð einn eftirsóttasti leikmaður Englands og hjá United varð hann svo goðsögn.
Mynd: Getty Images
