Í dag, 6. febrúar 2018, eru liðin 60 ár frá því að flugvél, sem flutti lið Manchester United, hrapaði í Munchen í Þýskalandi en 8 leikmenn liðsins voru meðal þeirra sem létust í slysinu.

Til minningar um fórnarlömbin var haldin athöfn á Old Trafford í dag. Jose Mourinho, núverandi stjóri Man Utd, og leikmenn hans mættu til að mynda á athöfnina.

Mínútuþögn var haldin á slaginu 15:04, en slysið varð á þeim tíma fyrir 60 árum síðan.

Jesse Lingard, leikmaður Manchester United, tók þátt í að veita fórnarlömbunum virðingu, en þremur mínútum eftir mínútu þögnina var hann mættur á Twitter að tala um tölvuleikinn FIFA.

Klukkan 15:07, þremur mínútum eftir mínútu þögnina svaraði hann spurningu á Twitter um FIFA, en þetta hefur vakið hörð viðbrögð. Hefur Lingard verið gagnrýndur fyrir þetta, að hann skyldi tísta um FIFA svo stuttu eftir minningarathöfnina.