Guðlaugur Victor Pálsson segir á Twitter að lokaorð sín hafi verið slitin úr samhengi í viðtali hjá Helsingborgs Dagblad í Svíþjóð. Þar var hann að tjá sig um íslenska landsliðið.
„Með fullri virðingu fyrir liðinu, sérstaklega þegar svona vel gengur, þá eru ég og Arnór (Smárason) betri en margir í hópnum. Nú þegar ég er kominn til HIF verður erfitt að horfa framhjá mér þegar næsti hópur er valinn," var haft eftir Guðlaugi Victori.
Hann vitnar í viðtalið á Twitter og segir lokaorðin hafa verið slitin úr samhengi.
„Mín lokaorð voru að ég þarf að sanna mig inni á vellinum og vonast eftir að fá tækifæri aftur með landsliðinu. Ég ber fulla virðingu fyrir öllum sem eru i hópnum og er stoltur af þeim," skrifaði Guðlaugur Victor.
http://t.co/1nIGnYjYE1 - Viðtalið var virkilega slitið úr samhengi hjá sænskum fjölmiðlum. Mín lokaorð voru að ég þarf að sanna mig inni 1/2
— G. Victor Palsson (@VictorPalsson) October 17, 2014Á vellinum og vonast eftir að fá tækifæri aftur með landsliðinu. Ég ber fulla virðingu fyrir öllum sem eru i hópnum og er stoltur af þeim.
— G. Victor Palsson (@VictorPalsson) October 17, 2014Athugasemdir
