Mirror hefur sett saman úrvalslið með verstu leikmönnum sem hafa tekið þátt í viðureignum Liverpool og Manchester United. Þetta eru viðureignir fyrir stóra leikmenn en stundum ná kostulegir menn að blanda sér í pakkann.
Massimo Taibi - Lék reyndar nokkuð vel í 3-2 útisigri United 1999. En hann spilaði aðeins þrjá leiki til viðbótar fyrir félagið enda skotspónn fyrir grín í dag.
Michael Clegg - Hver? Kom inn sem varamður í sama leik 1999. Það hefur ekkert heyrst af honum síðan!
Steven Caulker - Munið þið eftir því þegar Steven Caulker var leikmaður Liverpool? Kom inn sem varamaður í sóknina þegar Liverpool var 0-1 undir fyrr á þessu ári. Leikurinn endaði 0-1.
Torben Piechnik - Spilaði í 2-2 jafntefli 1992. Danski varnarmaðurinn er alltaf á listum yfir verstu leikmenn í sögu Liverpool. Magnað að liðið fékk bara tvö mörk á sig.
Paul Konchesky - Spilaði í 3-2 tapi Liverpool 2010. Var ekki mjög góður í búningi Liverpool.
Luke Chadwick - Fékk rautt spjald 9 mínútum eftir að hann kom inn af bekknum í tapi gegn Liverpool 2000. Kom líka inn sem varamaður í tapi gegn Liverpool 2001.
Christian Poulsen - Andstæðan við hraða og dínamíska miðju Liverpool í dag.
Ben Thornley - Spilaði gegn Liverpool 1998 og yfirgaf United svo mánuði síðar.
Milan Jovanovic - Leikmaður sem var alls ekki góður. Spilaði í 3-2 tapi Liverpool 2010.
Paul Stewart - Á einhvern óskiljanlegan hátt valinn í byrjunarliðið frekar en Ian Rush 1993.
David Bellion - Kom inn sem varamaður í tapleik United gegn Liverpool 2004. Innkoma hans skilaði engu!
Athugasemdir
