„Við vorum ekki nógu góðar í fyrri hálfleik og við vorum lengi að finna taktinn. Í rauninni fundum við ekki taktinn fyrr en í seinni hálfleik, boltinn fór að ganga betur milli manna og við skorum. Ég var mjög ánægður með seinni hálfleikinn eða margt í honum. Heilt yfir ekkert sérstaklega ánægður með leik liðsins en mjög ánægður með að halda hreinu og þrjú góð stig.“ sagði Donni eftir 2 - 0 sigur gegn KR.
Lestu um leikinn: Þór/KA 2 - 0 KR
Lilja Dögg Valþórsdóttir fékk það hlutverk að elta Söndru Mayor allan leikinn.
„Leikurinn spilaðist bara eins og við bjuggumst við. KR er með mjög skipulagt lið og vörðust á mörgum mönnum. Þær voru með eina sem elti Söndru út um allt. Það var mjög skemmtilegt að sjá, fyndið eiginlega en bara flott hjá þeim. Virkaði reyndar ekki því Sandra skoraði.“
Þór/KA fékk til sín nýjan markmann á dögunum, Johanna Henriksson frá Svíþjóð.
„Við erum kominn með nýjan markmann en Bryndís er ekki endilega hætt. Við þurfum bara aðeins að sjá til hvernig það þróast. Hún er ennþá til taks og það kemur bara í ljós. Hún er ekki formlega hætt í Þór/KA. Það getur vel verið að hún spili næsta leik eða leiki. Það verður bara að koma í ljós.“
Þór/KA er taplaust eftir 4 leiki í deildinni.
„Ég sé það fyrir mér að við verðum taplausar út tímabilið eins og við ætluðum að gera í fyrra. Við förum í næsta leik og ætlum að vinna hann. Svo bara höldum við áfram.“
Viðtalið má sjá í heild í sjónvarpinu hér að ofan.
Athugasemdir
