,,Það er alltaf gaman að vinna og eftir tvo tapleiki á móti Stjörnunni var þetta nauðsynlegt fyrir liðið," sagði Rakel Hönnudóttir fyrirliði Breiðabliks eftir 4-0 sigur á Fylki í Pepsi-deild kvenna í kvöld en með sigrinum fóru Blikar uppfyrir Fylki og í 2. sæti deildarinnar.
Lestu um leikinn: Breiðablik 4 - 0 Fylkir
Fyrri hálfleikurinn var mjög dapur og lítið að gerast en í þeim síðari fór allt í gang og Breiðablik skoraði fjögur mörk.
,,Fyrri hálfleikurinn var ekki alslæmur en svosem ekkert góður. Þetta var örugglega mjög leiðinlegur hálfleikur á að horfa. Það gerðist eiginlega ekkert hvorugum megin. Við komum því inn í hálfleik og ákváðum að taka okkur á."
Breiðablik fékk víti í byrjun seinni hálfleiks eftir að Fanndís Friðriksdóttir féll í teignum og þar kom fyrsta markið.
,,Ég veit ekki hvort það var spark í rassinn fyrir okkur en mér fannst þetta liggja í loftinu þegar vítaspyrnan kom."
Athugasemdir
