Þetta eru mögulegir andstæðingar Stjörnunnar í Sambandsdeildinni

Stjarnan mun komast að því 16. júní hvaða andstæðing liðið mun fá í 1. umferð forkeppninnar í Sambandsdeildinni.

52 lið verða í drættinum og er þeim skipt í efri og neðri styrkleikaflokk. Stjarnan verður í neðri styrkleikaflokki og leikirnir munu fara fram 9. og 16. júlí.

Í efri styrkleikaflokknum eru þrjú lið sem Stjarnan hefur mætt á síðustu árum. 2019 sló Stjarnan Levadia frá Eistlandi úr keppni og mætti svo Espanyol. 2024 sló svo Stjarnan lið Linfield frá Norður-Írlandi úr keppni en tapaði svo gegn Paide frá Eistlandi.

Það á reyndar eftir að svæðisskipta drættinum, og kemur sú skipting betur í ljós þegar nær dregur drættinum.

Valur kemur inn í forkeppni Sambandsdeildarinnar í 2. umferð.