Orri Steinn Óskarsson, sóknarmaður Íslands.
KSÍ hefur framlengt samning sinn við íþróttavöruframleiðandann PUMA og munu landslið Íslands leika í PUMA-búningum til ársins 2030.
Á meðal annarra þjóða sem leika í PUMA má nefna Austurríki, Sviss og Tékkland. Fyrsti samningur KSÍ og PUMA var gerður árið 2020 og því liggur fyrir að árið 2030 munu íslensku landsliðin í fótbolta hafa leikið í PUMA-búningum í tíu ár.
Á meðal annarra þjóða sem leika í PUMA má nefna Austurríki, Sviss og Tékkland. Fyrsti samningur KSÍ og PUMA var gerður árið 2020 og því liggur fyrir að árið 2030 munu íslensku landsliðin í fótbolta hafa leikið í PUMA-búningum í tíu ár.
„Ég vil byrja á að þakka PUMA fyrir gott samstarf síðustu ár. Við hjá KSÍ erum mjög ánægð með samninginn og samstarfið og hlökkum til næstu ára með PUMA," segir Þorvaldur Örlygsson, formaður KSÍ.
„Það verður gaman að sjá íslensku landsliðin og okkar efnilega landsliðsfólk alveg frá yngri liðum og upp í A landsliðin áfram leika í PUMA búningum. PUMA er án vafa eitt fremsta íþróttavörumerkið í heiminum í dag, sem kannski sést vel á því að yngri kynslóðin klæðist okkar PUMA-fatnaði reglulega og það er líka gaman að sjá."
Manolo Schürmann, Senior Director Global Sports Marketing Teamsport, fagnar líka samningnum.
„Við erum ánægð með að hafa samið við KSÍ um framlengingu á núverandi samningi okkar. KSÍ er knattspyrnusamband sem deilir ýmsum gildum PUMA, og landslið á vegum KSÍ halda áfram að ná góðum árangri á alþjóðlega sviðinu. Mig langar sérstaklega að nefna kvennalandsliðið, sem hefur náð að komast í lokakeppni EM mörgum sinnum í röð. KSÍ og íslensk landslið veita mörgum öðrum löndum innblástur - litlum jafnt sem stórum - og sýnir hvernig er hægt að keppa í hæsta þrepi fótboltans með takmörkuðum auðlindum til að vinna úr. PUMA styður KSÍ með stolti og við erum spennt fyrir áframhaldandi samstarfi og hönnun landsliðsbúninga komandi ára," segir Schürmann.
Athugasemdir
