Markvörðurinn Joe Hart er að ganga í raðir skoska liðsins Celtic. Þetta segir blaðamaðurinn áreiðanlegi Fabrizio Romano í kvöld.
Í síðasta mánuði var greint frá áhuga Celtic og hafa viðræðurnar gengið hratt fyrir sig.
Romano segir að Hart fái 15 þúsund pund í vikulaun í Skotlandi sem er töluvert minna en hann er vanur.
Hart er á mála hjá Tottenham þessa stundina en hann var varamarkvörður fyrir Hugo Lloris á síðustu leiktíð.
Hart er þó þekktastur fyrir tíma sinn hjá Manchester City og var aðalmarkvörður enska landsliðsins.
Athugasemdir