Íslenski landsliðshópurinn tilkynntur í dag

Erik Hamren, landsliðsþjálfari Íslands, tilkynnir klukkan 13:15 í dag landsliðshópinn fyrir þrjá leiki sem eru framundan á Laugardalsvelli.

Hópurinn verður tilkynntur á fréttamannafundi en Fótbolti.net mun flytja nýjustu fréttir beint þaðan.

Ísland mætir Rúmeníu á fimmtudag í umspili um sæti á EM á næsta ári. Sigurliðið þar mætir Ungverjalandi eða Búlgaríu í næsta mánuði í úrslitaleik um sæti á EM.

Eftir leikinn við Rúmena mætir Ísland bæði Danmörku og Belgíu í Þjóðadeildinni en reikna má með að stór leikmannahópur verði tilkynntur í dag fyrir þessa þrjá leiki.