fös 03. janúar 2020 19:40
Ívan Guðjón Baldursson
Kane missir af heimaleikjum gegn Liverpool og Man City
Mynd: Getty Images
Tottenham er búið að tilkynna að enski sóknarmaðurinn Harry Kane verður fjarri goðu gamni vegna meiðsla næstu vikurnar.

Markavélin haltraði af velli í tapi gegn Southampton í miðri viku og í ljós kom að hann sleit vöðva aftan á læri. Læknateymi Tottenham býst við að Kane verði frá næstu 4-6 vikurnar.

Kane missir af mikilvægum leikjum sem eru framundan, þar á meðal eru heimaleikir gegn Liverpool í janúar og Manchester City í febrúar. Hann gæti enn náð viðureigninni gegn Man City en það verður að teljast afar óliklegt.

Kane ætti að vera kominn til baka úr meiðslunum fyrir 16-liða úrslit Meistaradeildarinnar gegn RB Leipzig um miðjan febrúar.

Kane er kominn með 17 mörk í 25 leikjum fyrir Tottenham á tímabilinu.
Athugasemdir
banner
banner
banner
banner