Telur að Guardiola muni hverfa á brott eftir tímabilið

Guardiola hefur stýrt Man City frá 2016 og gert liðið að Englandsmeisturum síðustu tvö tímabil. City virðist ekki ætla að vinna sinn þriðja Englandsmeistaratitil í röð þar sem Liverpool er núna með mjög þægilegt forskot á toppi deildarinnar.

„Við þurfum núna að hugsa um næsta leik og að vinna leikina okkar. Það er óraunhæft að ná Liverpool úr þessu," sagði Guardiola eftir tap gegn Úlfunum þann 27. desember síðastliðinn.

Guardiola er samningsbundinn City til 2021, en Brown, sem ólst upp hjá City og spilaði með aðalliðinu frá 1995 til 1999, telur að Guardiola muni segja það gott eftir þetta tímabil.

„Ég held að hann muni fara eftir tímabilið," sagði Brown við Radio 5 Live, en hann telur að líkamstjáning Spánverjans hafi breyst að undanförnu.

Mikel Arteta hætti nýlega sem aðstoðarmaður Guardiola og tók við Arsenal.

„Mikel Arteta hefði íklega komið til greina sem eftirmaður Guardiola og hann spurði örugglega um það áður en hann tók við Arsenal. Augljóslega voru svörin ekki nægilega góð fyrir hann því hann fór til Arsenal," sagði Brown.