Spá Fótbolta.net - 5. sæti: KR

Spáin:
1. ?
2. ?
3. ?
4. ?
5. KR, 104 stig
6. FH, 81 stig
7. KA, 66 stig
8. Fram, 60 stig
9. ÍA, 59 stig
10. Vestri, 34 stig
11. Fylkir, 24 stig
12. HK, 14 stig

Um liðið: Það hafa átt sér stað miklar breytingar í Vesturbænum frá síðasta tímabili. Rúnar Kristinsson er farinn, sú mikla goðsögn. Gregg Ryder er mættur í staðinn og stuðningsmenn KR mega eiga von á allt öðruvísi fótbolta með allt öðruvísi áherslum. Það eru svo sannarlega ferskir vindar í Vesturbænum og verður mjög áhugavert að sjá hvernig tekst upp. Félagið hefur bætt við sig sterkum leikmönnum og er til alls líklegt.

Þjálfarinn: Það kom mörgum á óvart þegar Gregg Ryder tók við KR í vetur. Hann starfaði fyrir nokkrum árum sem aðstoðarþjálfari ÍBV og sem aðalþjálfari Þróttar og Þórs á Akureyri með misjöfnum árangri. Hann hefur undanfarin ár starfað sem aðstoðarþjálfari HB Köge í Danmörku en er núna mættur aftur til Íslands. Gregg var ekki fyrsti kostur í þjálfaraleit KR en hann hefur komið inn af krafti og hefur verið að vinna á hjá stuðningsmönnum félagsins. Hann er að stíga í mjög stór fótspor og á endanum snýst þetta allt saman um árangur inn á vellinum.

Fótbolti.net fær sérfræðingana Einar Guðnason og Harald Árna Hróðmarsson til að rýna í styrkleika, veikleika og annað hjá liðunum sem spila í Bestu deildinni í sumar. Einar, sem er fyrrum aðstoðarþjálfari Víkinga, fer yfir það helsta hjá KR.

Styrkleikar: Þeir liggja að miklu leyti í því að þeir eru komnir með besta fitnessþjálfara landsins í sínar raðir. KR ingar verða því líklega í besta forminu í Bestu deildinni í sumar og munu vinna sér inn nokkur auka stig bara útfrá því. Annað sem gæti verið styrkleiki hjá KR í ár er grasvöllurinn þeirra en stór hluti leikmanna annarra liða í deildinni í dag kunna ekki að spila á alvöru grasi, sérstaklega á vorin og á haustin.

Veikleikar: Markvarslan var mikill veikleiki hjá KR í fyrra og verður það áfram í ár. Þó að Guy Smit sé betri en Kjellevold þá er hann ekki nógu og góður til að taka KR í titilbaráttu. Annar veikleiki gæti verið reynsluleysi. Ef KR lenda í brasi í byrjun þá er ég ekki viss um að þjálfarinn og stór hluti leikmannahópsins hafa reynslu til að takast á við pressuna sem fylgir því að vera í KR.

Lykilmenn: SíberíuUxinn Axel Óskar Andrésson er mættur. Hann mun ekki tapa mörgum návígum í sumar og mun taka varnarleik KR upp um alla vega eina hæð frá því í fyrra. Alex Þór Hauksson er traustur miðjumaður og mikill leiðtogi sem mun bæta leik KR liðsins bæði með og án boltans. Benóný Breki Andrésson er fæddur markaskorari. Hann er með frábærar staðsetningar í teignum innbygðar og er maðurinn sem KR mun treysta á í sumar til að skora mörkin.

Leikmaður sem á að fylgjast með: Hrafn Tómasson er útsjónarsamur miðjumaður með góða sendingatækni sem á eftir að vekja athygli í sumar.

Komnir:
Alex Þór Hauksson frá Öster
Aron Sigurðarson frá Horsens
Axel Óskar Andrésson frá Örebro
Guy Smit frá Val (var á láni hjá ÍBV)
Hrafn Guðmundsson frá Aftureldingu
Sam Blair frá Norwich
Rúrik Gunnarsson frá Aftureldingu (var á láni)

Farnir:
Kennie Chopart í Fram
Kristinn Jónsson í Breiðablik
Jakob Franz Pálsson til Vals (var á láni frá Venezia)
Sigurður Bjartur Hallsson í FH
Aron Snær Friðriksson til Njarðvíkur
Olav Öby til Noregs
Simen Kjellevold til Noregs
Pontus Lindgren til Svíþjóðar (var á láni hjá ÍA)

Dómur Einars fyrir gluggann: Fá 7. KR hafa bætt við sterkum póstum í hryggjarsúluna sína en þeir þurfa meiri breidd og hefðu átt að taka betri markvörð að mínu mati.

Leikmannalisti:
1. Sigurpáll Sören Ingólfsson (m)
12. Guy Smit m)
13. Sam Blair (m)
4. Jóhannes Kristinn Bjarnason
5. Birgir Steinn Styrmisson
6. Alex Þór Hauksson
7. Finnur Tómas Pálmason
9. Stefán Árni Geirsson
10. Kristján Flóki Finnbogason
11. Aron Sigurðarson
14. Ægir Jarl Jónasson
15. Lúkas Magni Magnason
16. Theodór Elmar Bjarnason
17. Luke Rae
18. Aron Kristófer Lárusson
19. Dagur Bjarkason
20. Benóný Breki Andrésson
22. Hrafn Guðmundsson
23. Atli Sigurjónsson
26. Hrafn Tómasson
28. Óðinn Bjarkason
29. Aron Þórður Albertsson
30. Rúrik Gunnarsson
Axel Óskar Andrésson



Fyrstu fimm leikir KR:
7. apríl, Fylkir - KR (Würth völlurinn)
12. apríl, Stjarnan - KR (Samsungvöllurinn)
20. apríl, KR - Fram (Meistaravellir)
28. apríl, KR - Breiðablik (Meistaravellir)
5. maí, KA - KR (Greifavöllurinn)

Í besta og versta falli: Í besta falli annað sæti ef þeir komast á flug, en í versta falli lenda þeir í 6. sæti.

Spámennirnir: Aksentije Milisic, Anton Freyr Jónsson, Arnar Laufdal, Elvar Geir Magnússon, Guðmundur Aðalsteinn Ásgeirsson, Haraldur Örn Haraldsson, Jóhann Þór Hólmgrímsson, Stefán Marteinn Ólafsson, Sverrir Örn Einarsson, Sæbjörn Þór Þórbergsson Steinke, Tómas Þór Þórðarson og Valur Gunnarsson.