Jón Dagur Þorsteinsson og félagar í AGF lögðu OB að velli á mánudaginn.
Leikið var fyrir luktum dyrum á heimavelli Árósa en knattspyrnufélög víða um heim hafa verið að keppast við að finna nýjar hugmyndir til að bæta andrúmsloftið á leikvöngum sínum.
FC Midtjylland tók uppá því að sýna leik sinn á risaskjám á bílastæðinu fyrir utan leikvanginn á meðan AGF ákvað að koma risaskjáunum fyrir á vellinum sjálfum.
Skjáirnir snúa allir í átt að vellinum og eru fjölmargir stuðningsmenn AGF í mynd, að horfa á leikinn heima úr stofu. Notast er við Zoom myndbandstæknina, sem er hægt að sjá í myndbandinu hér fyrir neðan.
Fleiri félög hafa verið að skoða þennan möguleika en bráðlega verður vonandi hægt að hleypa fólki aftur á völlinn.
The Danish Superliga has restarted and AGF are live-streaming fans watching the game at home on huge screens in the stadium. Awesome initiative from r/soccer
Athugasemdir