Sterkasta lið 21. umferðar - Ferna, þrenna og stórliðin féllu

Lilý Rut Hlynsdóttir og Margrét Brynja Kristinsdóttir voru bestar þegar Valur vann 2-1 sigur gegn Fram, en sá sigur dugði ekki Hlíðarendafélaginu til að halda sér uppi.

Breiðablik vann ótrúlegan 5-4 sigur gegn Þrótti í það sem var mögulega leikur ársins í íslenskum fótbolta. Hrafnhildur Ása Halldórsdóttir og Agla María Albertsdóttir voru hreint út sagt stórkostlegar fyrir Blika í síðari hálfleik - Hrafnhildur Ása skoraði þrennu - en Bríet Fjóla Bjarnadóttir hafði leikið vel fyrir Þrótt í fyrri hálfleiknum.

Þá vann FH 5-0 sigur á ÍBV þar sem Nia Raisa Christopher skoraði fernu og Helena Marie Errington átti einnig góðan leik.

Hin 16 ára gamla Tinna María Heiðdísardóttir er þá í markinu í sterkasta liði umferðarinnar en hún átti góðan leik í marki Stjörnunnar í markalausu jafntefli gegn Grindavík/Njarðvík.