Sterkust í 21. umferð - Stærsta augnablik tímabilsins?

„Gríðarlega auðvelt val," skrifaði Andri Stefánsson um valið á manni leiksins á Kópavogsvelli.

„Hrafnhildur Ása var mögnuð í dag. Hún setti auðvitað þrennu og var allt í öllu í sóknarleik Breiðabliks. Hún er komin með 14 mörk á tímabilinu og stefnir klárlega á gullskóinn."

Hrafnhildur Ása er orðin markahæst í deildinni með 14 mörk og hefur hún alls komið að 20 mörkum í sumar. Agla María Albertsdóttir er þar í fyrsta sæti með 21 mark en hún var einnig stórkostleg í leiknum gegn Þrótti.

„Við sýndum ömurlega frammistöðu í fyrri hálfleik og þurftum bara að stíga upp í þeim seinni. Við vorum eiginlega sjokkerandi lélegar í fyrri hálfleik en tókum svo yfir í kringum 60. mínútu og kláruðum þetta. Ég er mjög sátt," sagði Hrafnhildur Ása við Fótbolta.net eftir leikinn í gær en Blikar voru 1-4 undir í hálfleik og komu til baka, unnu leikinn 5-4 og héldu sér þannig á toppi deildarinnar.

„Þetta er mjög þétt á toppnum þannig að við þurfum bara að klára okkar leiki og þá vinnum við," sagði Ása jafnframt eftir leikinn í gær.