Best í 12. umferð: Small loksins í kveðjuleiknum

„Úlfa Dís var feykilega öflug í dag, það sást minna til hennar í fyrri hálfleik en eftir að Kristján færði hana ofar á völlinn í seinni hálfleik var hún óstöðvandi, skoraði bæði mörk Stjörnnunar og ógnaði marki Selfoss mikið," skrifaði Sigríður Dröfn Auðunsdóttir í skýrsluna eftir leik.

Fyrra markið skoraði Úlfa 53. mínútu og það seinna á 79. mínútu.

Úlfa var til viðtals hér á Fótbolti.net eftir leikinn.

„Ég er bara ótrúlega sátt. Loksins small þetta, ég er búin að eiga nokkur skot í sumar en loksins kom þetta," sagði Úlfa Dís.

Hún fór daginn eftir leik til Bandaríkjanna, til Kentucky þar sem hún fer í háskóla. „Mér líst bara mjög vel á framhaldið, ég mun styðja stelpurnar áfram því að ég er náttúrulega að fara út."

Úlfa er tvítug og gekk í raðir Stjörnunnar frá FH fyrir þetta tímabil. Hún var að skora sitt annað og þriðja mark í efstu deild. Hún á fjóra leiki fyrir yngri landsliðin að baki.

Domino's gefur verðlaun
Leikmaður umferðarinnar í Pepsi Max-deild kvenna fær verðlaun frá Domino's í sumar.

Bestar í sumar:
1. umferð - Áslaug Munda Gunnlaugsdóttir
2. umferð - DB Pridham
3. umferð - Murielle Tiernan
4. umferð - Brenna Lovera
5. umferð - Áslaug Munda Gunnlaugsdóttir
6. umferð - Aerial Chavarin
7. umferð - Arna Sif Ásgrímsdóttir
8. umferð - Elín Metta Jensen
9. umferð - Amber Kristin Michel
10. umferð - Barbára Sól Gísladóttir
11. umferð - Heiðdís Lillýardóttir

View this post on Instagram

A post shared by Heimavöllurinn (@heimavollurinn)