Yfirlýsing frá Ægi: Var ráðinn spilandi aðstoðarþjálfari liðsins

Ekki voru allir sáttir með þetta hjá Baldvini eins og rætt var í Ástríðunni.

„Haukarnir gjörsamlega trylltir, þeir voru brjálaðir út í þetta. Þeim þótti þetta vera vanvirðing og niðurlæging. Baldvin er fjórða skiptingin. Ætli þetta sé ekki það plebbalegasta sem ég hef orðið vitni að í deildarkeppni á Íslandi í langan tíma,"  sagði Gylfi Tryggvason um málið í Ástríðunni.

„Þú ert í 2. deild. Með fullri virðingu fyrir Baldvini Má Borgarssyni, sem er örugglega flottur þjálfari, þá er þetta ekki leikmaður sem á einu sinni að vera á bekk. Arilíus Óskarsson í gifsi er með meiri hreyfigetu inn á vellinum. Ég skil Haukana vel."

Nú hefur Ægir kom með yfirlýsingu á Twitter þar sem félagið tjáir sig um málið.

„Vegna neikvæðrar umræðu um skiptingu í leik gegn Haukum síðastliðinn mánudag vill félagið árétta að frá árinu 2019 var Baldvin Borgarsson ráðinn spilandi aðstoðarþjálfari liðsins og hefur það samkomulag ekki breyst. Við fordæmum þvi alla neikvæðni vegna málsins," segir í tilkynningunni.

Baldvin sjálfur er að standa í rifrildum á Twitter vegna málsins en hann vill meina að hegðun Haukanna sé ekkert annað en birtingarmynd minnimáttarkenndar og/eða fitufordóma.

Sjá einnig:
Þjálfarinn skipti sjálfum sér inn á - „Haukarnir gjörsamlega trylltir"

YFIRLÝSING:

Vegna neikvæðrar umræðu um skiptingu í leik gegn Haukum síðastliðinn mánudag vill félagið árétta að frá árinu 2019 var Baldvin Borgarsson ráðinn spilandi aðstoðarþjálfari liðsins og hefur það samkomulag ekki breyst. Við fordæmum þvi alla neikvæðni vegna málsins.

— Ægir FC (@AEgirOfficial) September 2, 2022

Úff, ég og mínir 180cm að fá big boy kommentið í smettið, ég var semsagt of feitur að mati Haukanna til þess að koma inná, fitusmánun og stórkostlega galin viðbrögð með henni.

Hélt við værum komin lengra árið 2022.😥 https://t.co/Wh6fxepv8o

— Baldvin Borgars (@Baddi11) September 3, 2022

Já svo er það ein leiðin, þessi hegðun þeirra er ekkert annað en birtingarmynd minnimáttarkenndar og/eða fitufordóma.

Persónulega er mér amk skítsama hverjir spila fyrir aðra klúbba í landinu.

— Baldvin Borgars (@Baddi11) September 3, 2022

Væri samt alveg til í rökstuðning á afhverju ég má ekki spila í 2. deild?
Er ég of lélegur?
Of feitur?
Eitthvað annað, þá hvað?

— Baldvin Borgars (@Baddi11) September 2, 2022

Hef spilað fótboltaleik, ýmist í deild, bikar eða Lengjubikar á hverju einasta ári síðan árið 2015, samt kviknaði í Völlunum í Hafnarfirði síðastliðinn mánudag afþví ég kom inná.🥴

Menn voða litlir í sér eitthvað með að hafa tapað fótboltaleik, nema vandamálið sé eitthvað dýpra. https://t.co/FFPVan2ncU

— Baldvin Borgars (@Baddi11) September 2, 2022