04.06.23 - 07:00
Brynjar Ingi Erluson
Guðlaugur Victor lagði upp dýrmætt mark og aftur var það Benteke sem skoraði
Guðlaugur Victor lagði upp annað mark sitt á tímabilinu
Mynd: Getty Images
Guðlaugur Victor lagði upp annað mark sitt á tímabilinu
Mynd: Getty Images
Íslenski landsliðsmaðurinn Guðlaugur Victor Pálsson lagði upp annað mark sitt í MLS-deildinni á tímabilinu í 2-1 sigri D.C. United á Inter Miami í nótt.
Guðlaugur Victor, sem hefur spilað þrjár stöður á tímabilinu, var á miðjunni í leiknum en hann lagði upp annað markið í uppbótartíma síðari hálfleiks.
Íslendingurinn vann boltann á miðsvæðinu og lyfti honum yfir vörn Miami og fyrir belgíska framherjann Christian Benteke sem skoraði af miklu öryggi í hægra hornið. Hann lagði einnig upp fyrir Benteke í 3-1 sigri á Orlando City fyrr á tímabilinu.
Lið Wayne Rooney er á 7. sæti Austur-deildarinnar með 23 stig.
Róbert Orri Þorkelsson spilaði allan leikinn í vörn Montreal sem tapaði 3-0 gegn Philadelphia Union í Austur-deildinni. Montreal er í 11. sæti með 19 stig. Þetta var annar byrjunarliðsleikur Róberts í deildinni á tímabilinu.
Dagur Dan Þórhallsson kom inná sem varamaður á 84. mínútu er Orlando City vann 3-0 sigur á NY Red Bulls. Orlando er í 8. sæti Austur-deildarinnar með 23 stig.
Þorleifur Úlfarsson kom inná sem varamaður á 69. mínútu í 3-0 tapi Houston Dynamo gegn St. Louis, toppliði Vestur-deildarinnar.
Houston er í 9. sæti með 18 stig.
Íslendingurinn vann boltann á miðsvæðinu og lyfti honum yfir vörn Miami og fyrir belgíska framherjann Christian Benteke sem skoraði af miklu öryggi í hægra hornið. Hann lagði einnig upp fyrir Benteke í 3-1 sigri á Orlando City fyrr á tímabilinu.
Lið Wayne Rooney er á 7. sæti Austur-deildarinnar með 23 stig.
Róbert Orri Þorkelsson spilaði allan leikinn í vörn Montreal sem tapaði 3-0 gegn Philadelphia Union í Austur-deildinni. Montreal er í 11. sæti með 19 stig. Þetta var annar byrjunarliðsleikur Róberts í deildinni á tímabilinu.
Dagur Dan Þórhallsson kom inná sem varamaður á 84. mínútu er Orlando City vann 3-0 sigur á NY Red Bulls. Orlando er í 8. sæti Austur-deildarinnar með 23 stig.
Þorleifur Úlfarsson kom inná sem varamaður á 69. mínútu í 3-0 tapi Houston Dynamo gegn St. Louis, toppliði Vestur-deildarinnar.
Houston er í 9. sæti með 18 stig.
A steely finish. ???? pic.twitter.com/LjZo0eQzpC
— D.C. United (@dcunited) June 4, 2023
