Hinn 24 ára gamli Kylian Mbappé er ótrúlegur fótboltamaður og staðfesti sig sem markakóng frönsku deildarinnar í gær, þegar hann skoraði í óvæntu tapi PSG gegn Clermont.
Mbappé klárar franska deildartímabilið með 29 mörk og er þetta fimmta árið í röð sem hann er markahæsti leikmaður deildarinnar.
Hann er þar með búinn að jafna met Carlos Bianchi, Delio Onnis og Jean-Pierre Papin sem urðu allir markahæstir fimm sinnum í frönsku deildinni.
Ljóst er að Mbappe þarf aðeins að verða markahæstur eitt tímabil í viðbót til að bæta þetta met í franska boltanum.
Mbappe var fyrst markahæsti leikmaður deildarinnar þegar hann skoraði 33 mörk í 29 leikjum tímabilið 2018-19.
Athugasemdir
