Real Betis bauð Rodriguez nýjan samning í janúar en það varð ekki mikið úr því samtali, umboðsmaður leikmannsins vildi sjá talsvert hærri launatékka fyrir umbjóðanda sinn heldur Betis var tilbúið í.

Argentínski miðjumaðurinn er nú að klára læknisskoðun hjá West Ham og verður í kjölfarið tilkynntur sem nýr leikmaður enska félagsins.

Landsliðsmaðurinn kemur á frjáslri sölu þar sem samningur hans við Betis rann út í sumar. Hann var með argentínska landsliðinu á Copa America í sumar og kom við sögu í lokaleik riðlakeppninnar. Argentína endaði á að vinna mótið. Hann á að baki 30 landsleiki og var í hópnum árið 2022 þegar Argentína varð heimsmeistari.

Hinn þrítugi Rodriguez var í fjögur ár hjá Real Betis. Hann var einnig orðaður við Atalanta í sumar.