Lið og leikmaður 16. umferðar - Í sjötta sinn í úrvalsliðinu

Aron Snær Ingason er leikmaður umferðarinnar en hann var þrælöflugur í toppslagnum.

Mynd: Fótbolti.net - Hafliði Breiðfjörð

Örn Bragi Hinriksson.

Mynd: Fótbolti.net - Hafliði Breiðfjörð

Theodór Ingi Óskarsson.

Mynd: Fótbolti.net - Hafliði Breiðfjörð

Aron Snær Ingason er leikmaður umferðarinnar en hann var þrælöflugur í toppslagnum.

Mynd: Fótbolti.net - Hafliði Breiðfjörð

16. umferð Lengjudeildarinnar lauk í gær. Það var mikið skorað í umferðinni og úrvalslið umferðarinnar er því ansi sókndjarft.

LEIKMAÐUR UMFERÐARINNAR
Aron Snær Ingason - Þróttur
Þróttur vann 4-1 sigur á Aftureldingu í viðburðaríkum toppslag deildarinnar. Aron var besti maður vallarins og er í sjötta sinn í liði umferðarinnar. Hann skoraði tvö mörk og var að hóta þrennunni. Var stórhættulegur á boltanum og vel að þessu kominn.

Þróttur á fleiri fulltrúa. Sigurvin Ólafsson er þjálfari umferðarinnar og Örn Bragi Hinriksson er í liðinu en hann var meðal markaskorara Þróttara.

Theodór Ingi Óskarsson skoraði tvö mörk í 3-1 sigri Fylkis á Völsungi. Hlynur Sævar Jónsson skoraði einnig í leiknum.

Gunnleifur Orri Gunnleifsson lagði upp sigurmark Grindavíkur sem vann Leikni 1-0. Ólafur Íshólm Ólafsson markvörður Leiknis var hinsvegar valinn maður leiksins. Eiður Aron Sigurbjörnsson var besti maður vallarins í 1-0 útisigri Njarðvíkur á Ægi.

Kristófer Dan Þórðarsson skoraði fyrsta mark Gróttu í 3-0 útisigri gegn Vestra. Dagur Bjarkason var valinn maður leiksins.

Einn leikur í umferðinni var spilaður um miðjan júlí. Karl Ágúst Karlsson og Dominik Radic voru báðir með mark og stoðsendingu í 5-1 sigri HK á ÍR.

Fyrri úrvalslið:
15. umferð - Elfar Árni Aðalsteinsson - Völsungur
14. umferð - Birkir Eyþórsson - Fylkir
13. umferð - Óðinn Bjarkason - Afturelding
12. umferð - Andri Freyr Jónasson - Grótta
11. umferð - Birkir Már Sævarsson - Afturelding
10. umferð - Edson - Vestri
9. umferð - Elfar Árni Aðalsteinsson - Völsungur
8. umferð - Sigurður Egill Lárusson - Þróttur
7. umferð - Andi Hoti - Afturelding
6. umferð - Jordan Adeyemo - Ægir
5. umferð - Mattías Kjeld - Grótta
4. umferð - Svavar Örn Þórðarson - HK
3. umferð - Ibrahima Balde - Vestri
2. umferð - Kári Sigfússon - Fylkir
1. umferð - Stefán Þór Pálsson - ÍR

Örn Bragi Hinriksson.

Mynd: Fótbolti.net - Hafliði Breiðfjörð

Theodór Ingi Óskarsson.

Mynd: Fótbolti.net - Hafliði Breiðfjörð

Stöðutafla

#	Lið	L	mun	Stig
1	Afturelding	22	+32	45
2	Þróttur R.	22	+25	43
3	Fylkir	22	+13	40
4	HK	22	+12	38
5	Njarðvík	22	+9	38
6	Leiknir R.	22	+1	28
7	ÍR	22	-6	28
8	Grótta	22	-7	27
9	Vestri	22	-13	27
10	Völsungur	22	-12	26
11	Grindavík	22	-10	25
12	Ægir	22	-44	9