Oliver er aðeins 19 ára gamall en hann kemur til Hafnarfjarðar frá Þrótti R. og skrifar undir tveggja ára samning.

Oliver er uppalinn Þróttari og skoraði 4 mörk í 19 leikjum í Lengjudeildinni í fyrra. Hann er kantmaður að upplagi en getur einnig spilað sem framherji.

Hann er talinn gífurlega efnilegur og var afar eftirsóttur í sumar en valdi FH að lokum. Oliver er sonur Heiðars Helgusonar, fyrrum sóknarmanns Watford, Fulham og íslenska landsliðsins.

„Við bjóðum Oliver hjartanlega velkominn til Fimleikafélagsins og hlökkum til að sjá hann klæðast hinni undurfögru FH treyju," segir meðal annars í færslu á Facebook síðu FH.

Sjá einnig:
Oliver Heiðarsson á förum frá Þrótti
Oliver Heiðarsson velur að ganga í raðir FH