fös 05. mars 2021 07:30
Guðmundur Aðalsteinn Ásgeirsson
Insigne sparkaði í auglýsingaskilti - „Þvílíkt skítalið"
Mynd: Getty Images
Lorenzo Insigne, fyrirliði Napoli, var brjálaður eftir 3-3 jafntefli liðsins gegn Sassuolo í ítölsku úrvalsdeildinni í gær.

Sassuolo jafnaði metin í uppbótartíma eftir að Insigne hafði komið Napoli yfir seint í leiknum. Sassuolo komst tvisvar yfir í leiknum en Napoli tók forystuna á 90. mínútu með marki Insigne á vítapunktinum. Sassuolo fékk vítaspyrnu nokkrum mínútum síðar og jöfnuðu metin í 3-3.

Insigne gat ekki falið reiði sína eftir að flautað hafði verið til leiksloka.

Hann sparkaði í auglýsingaskilti og öskraði: „Þvílíkt skítalið."

Napoli er í sjötta sæti ítölsku úrvalsdeildarinnar en hér að neðan má sjá myndband af því þegar Insigne brjálaðist.


Athugasemdir
banner
banner
banner
banner