Jules Kounde, 22 ára leikmaður Sevilla, hefur verið orðaður við Real Madrid í sumar. Madrídingar gætu lagt fram tilboð ef Sergio Ramos eða Raphael Varane yfirgefa félagið.

Varnarmaðurinn ungi kom frá Bordeaux 2019 og hefur frammistaða hans vakið athygli og áhuga. Talið er að Sevilla gæti selt hann ef um 70 milljóna evra tilboð berst.

Chelsea er meðal félaga sem hafa sýnt honum áhuga og Sport Witness telur að enska félagið sé í bestu stöðunni til að krækja í leikmanninn.

Kounde er réttfættur og gæti mögulega tekið við stöðu Cezar Azpilicueta í framtíðinni.