Alisson Becker.
Alisson, markvörður Liverpool, var fjarri góðu gamni þegar Liverpool spilaði við Manchester City í leiknum um Samfélagsskjöldinn um síðustu helgi.
Alisson var á meiðslalistanum eftir að hann varð fyrir hnjaski á undirbúningstímabilinu.
En hann er búinn að æfa á fullu síðustu daga og verður klár í slaginn fyrir morgundaginn þegar Liverpool hefur leik í ensku úrvalsdeildinni á morgun.
„Það er í góðu lagi með hann," sagði Jurgen Klopp, stjóri Liverpool, þegar spurt var út í Alisson á fréttamannafundi í dag.
Hann mun því byrja gegn Fulham á morgun. Ibrahima Konate, Diogo Jota, Curtis Jones, Kostas Tsimikas og Alex Oxlade-Chamberlain eru þó allir á meiðslalistanum fyrir morgundaginn.
Athugasemdir
